Татарстанда 34 градус җылы булачак
Синоптиклар август башында Татарстанга аномаль эсселек кире кайтуы турында хәбәр иткән иде.
Һаваның янә +32+37 градуска кадәр җылынуы көтелә. Бу хакта Гидрометеоүзәкнең фәнни җитәкчесе Роман Вильфанд хәбәр иткән. Аның әйтүенчә, киләсе атна башында барлык Идел буе төбәкләрендә бик эссе һава урнашачак. Температура нормадан 4-6 градуска югарырак булачак. Идел буе төбәгенең кайбер урыннарында һава температурасы +37гә кадәр күтәреләчәк. Ә инде Әстерхан өлкәсендә һава температурасы бөтенләй дә +40 градуска җитәчәк, дигән Вильфанд.
Бүген Татарстанда алмашынучан болытлы һава, явым-төшемнәр көтелми. Көньяк-көнбатыштан талгын җил исә. Көндез 29-34 градуска кадәр җылы булачак.
Следите за самым важным и интересным в Telegram-каналеТатмедиа
Нет комментариев