Безнең Чирмешән
  • Рус Тат
  • Чирмешән балалар сәнгать мәктәбендә дә уку елы башланды

    Балалар сәнгать мәктәбе бүлекчәләрендә балалар шөгыльләнә башласалар да, укучылар кабул итү әле дәвам итә.

    Яңа уку елында сәнгать мәктәбендә 400 дән күбрәк бала шөгыльләнәчәк, аларны 25 педагог укытачак.

    Реклама

    -Безнең мәктәптә укучылар музыка, сәнгать, хореография, театр, фольклор юнәлешләре буенча белем алалар, - ди мәктәп директоры Наталья Иляева. –Кайбер авылларда да сыйныфларыбыз эшли. Лашманда инде берничә ел дәвамында балалар декоратив –гамәли һәм хореография бүлекләрендә шөгыльләнәләр. Ульяновка балаларын да биергә өйрәтәбез. Кармышта театр сыйныфы бар. Быел Иске Элмәле авылында да хореографиягә балалар кабул итәбез, ә Әккәрәйдә театр сыйныфы ачарга планлаштырабыз.

    Быел балалар сәнгать мәктәбенә ике яшь белгеч – хореографлар эшкә кайткан. Виктория Пестова үзебезнең Чирмешән кызы, ул яшьтән үк район мәдәният йорты сәхнәсендә чыгыш ясады, район чараларында гел катнаша иде. Актаныш кызы Алия Ханова - район килене. Алар икесе дә Алабугада мәдәният һәм сәнгать көллиятендә укыганнар.

    фото: архив

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Комментарии (0)
    Осталось символов: