Безнең Чирмешән

Чирмешән районы

Рус Тат
Көн темасы

Чирмешән чаңгычыларын җырчылар да рухландырды

"Татарстан чаңгы юллары - 2016" ярышларында 500гә якын чирмешәнле катнашты. Көне дә шәп булды бит әле аның: кояшлы, тыныч. Район үзәгенең "Сабантуй" стадионында 14 февраль көнне оештырылган әлеге күмәк чарада оешма, предприятие вәкилләре, авыл җирлекләре командалары, йөзләгән мәктәп укучысы көч сынашты. Катнашучылар арасында кунаклар - күршеләребез, Самара өлкәсенең Шентала районыннан...

"Татарстан чаңгы юллары - 2016" ярышларында 500гә якын чирмешәнле катнашты. Көне дә шәп булды бит әле аның: кояшлы, тыныч.

Район үзәгенең "Сабантуй" стадионында 14 февраль көнне оештырылган әлеге күмәк чарада оешма, предприятие вәкилләре, авыл җирлекләре командалары, йөзләгән мәктәп укучысы көч сынашты. Катнашучылар арасында кунаклар - күршеләребез, Самара өлкәсенең Шентала районыннан да чаңгычы әби, бабайлар бар иде.
Ярышның иң тәүгесендә, гаилә эстафетасында (әти, әни, бала), Иске Элмәледән Колесниковлар гаиләсе - җиңүче. Чирмешәннән Журавлевлар - икенче, Ульяновкадан Дютиннар өченче урында.
Мәктәп укучылары арасыннан Иске Элмәледән Игорь Захаров, Диана Микушовалар, Әмирдән Алинә Хәйруллина, Ульяновкадан Евгений Рыбкин, Максим Никитин, Светлана Григорьева финишка иң беренче килделәр. Ир-егетләр һәм хатын-кызлардан, төрле яшьләрдә, Ульяновкадан Максим Тимирясов, Кристина Ярхунина, Валентин Прокопьев, Шешминкадан Дмитрий Зубов, Иске Элмәледән Марина Колесникова, Чирмешәннән Юрий Сергеев, Екатерина Михляева, Наталья Бодрягина, Шенталадан Геннадий Епифанов, Валентина Фадеева - җиңүчеләр.
Җитәкчеләр, ир-егетләр арасында Утыз Имәннән Риф Фәттахов - җиңүче. Әхтәм Мусин (Түбән Кәминкә) финишка - икенче, Марат Әһлиуллин (Чирмешән) өченче булып килделәр. Хатын-кыз җитәкчеләрдән Вера Ломоносова (Ульяновка) - беренче. Гөлфәния Гайнанова (Бәркәтә) икенче урында, Лашманнан Җәмилә Шәйхетдинова һәм Сания Гыйльманова өченче урынны бүлештеләр.
Ярышта катнашучыларны бу көнне район мәдәният йорты артистлары да сәламләп, җырлары белән рухландырып тордылар. Дистанцияләрдә тирләп-пешкән спортчылар кайнар чәй, камыр ризыклары белән сыйланды.
Чаңгы ярышыннан фоторепортаж: http://www.nashcheremshan.ru/tt/component/k2/item/8556-%E2%80%9Ctatarstan-cha%D2%A3gyi-yullaryi%E2%80%9C-chirmesh%D3%99nd%D3%99-fotoreportazh.html

Следите за самым важным и интересным в Telegram-каналеТатмедиа

Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

Теги: Чирмешән районы Татарстан чаңгы юлы чаңгычылар ярышы