Ульяновка авылы кешесеннән булмаган бурычын түләттермәкчеләр
Вакытлыча Кырым Республикасында эшләүче Ульяновка авылы кешесенә бер оешмадан займ килешүе буенча бурычын каплау таләбе белән хат килгән. Якташыбыз исә андый килешү төземәдем, ди. Әлеге уңайдан тикшерү бара.
Гомумән, 3-9 декабрьдә район полиция бүлекчәсенең кизү частенда 16 хәбәр кабул иткәннәр. Әлеге чорда, элек кылынган җинаятьләр уңаеннан, 2 җинаять эше кузгатылган, 12 админитсратив беркетмә төзелгән.
Район юлларында бер юл-транспорт һәлакәте теркәлгән – матди зыян белән, анда имгәнүчеләр юк. Юлда йөрү кагыйдәләрен санга сукмауның 19 очрагы мәгълүм булган.
Транспорт белән аек булмаган хәлдә идарә иткән бер машина йөртүче ачыкланган.
Автомашинасын тикшергән вакытта, салонында акциз маркасы һәм этикеткасыз спиртлы эчемлек табылган Түбән Чегодай авылы кешесенә административ җаваплылык җәзасы яный.
Әлеге мәгълүматлар Россия ЭЭМның
Чирмешән районы буенча бүлекчәсеннән алынды.
фото: архив
Следите за самым важным и интересным в Telegram-каналеТатмедиа
Нет комментариев