9-15 гыйнвар көннәрендә район полиция бүлегендә 39 хәбәр кабул ителгән. Әлеге чорда элек кылынган җинаятьләр уңаеннан ике эш кузгатылган.
Полициянең участок уполномоченныйлары 11 административ беркетмә төзегәннәр.
Район юлларында биш юл-транспорт һәлакәте теркәлгән – барысы да матди зыян белән, имгәнүчеләр юк. Юлда йөрү кагыйдәләрен бозуның 31 очрагы ачыкланган.
Урманасты Үтәмештә яшәүче берәү, тынычлыкны бозган, стенага типкән һәм сүгенгән бер ир-атны җаваплыкка тартуны сорап, гариза язган. Әлеге факт буенча тикшерү бара.
Мәгълүматлар Россия Эчке эшләр министрлыгының Чирмешән районы буенча бүлеге штабыннан алынды
"Безнең Чирмешән"нең МАХ мессенджеренда иң мөһим, кызыклы вакыйгаларны күзәтегез.
Нет комментариев