Чирмешән районы укучыларын судка чакырганнар
Лашман һәм Кутәмә урта мәктәпләре укучылары район суды эшчәнлеге белән якыннан таныштылар, район суды рәисе вазыйфаларын башкаручы Рәиф Сәйфетдинов белән очраштылар.
Әлеге чара Татарстан Республикасының Мәгариф, фән министрлыгы һәм Татарстан Республикасының Суд департаменты арасындагы килешү буенча, «Хокук: «А»дан «Я»га кадәр» дигән проект кысаларында оештырылган.
Экскурсия барышында балалар суд утырышы залын караганнар, район суды составы белән танышканнар. Рәиф Әсхәт улы аларга суд эше, нинди категориядәге эшләр каралуы, балалар катнашындагы җинаять эшләренең каралуының үзенчәлекләре турында сөйләгән, сорауларга җавап биргән.
Алия Гатауллина фотолары
Следите за самым важным и интересным в Telegram-каналеТатмедиа
Нет комментариев