Өчесендә дә – көмеш медаль

Өч бертуган - Рәмзия, Гөлшат, Альбина Әгъләмовалар (кыз чактагы фамилияләре) Лашман урта мәктәбен көмеш медальгә тәмамлаганнар.

Рәшидә һәм Әмин Әгъләмовларның өлкән кызлары Рәмзия Казан педагогика институтының чит телләр факультетын "кызыл" дипломга тәмамлап, Лашман урта мәктәбенә эшкә кайта, шул авыл егетенә кияүгә чыга.

Бүген ул декрет ялында, өченчегә кызы бар.

Гөлшат сәүдә техникумында белем алган. Ул туган авылы Әмирдә яши, шәхси эшмәкәр, ике малай үстерә.

Төпчекләре Альбина да әүвәл Казан педагогика институтының чит телләр факультетын шулай ук "кызыл" дипломга бетерә. Аннан соң читтән торып финанс - икътисад институтында укый. Хәзер Казанда яши, әлегә ул да декрет ялында - малай тәрбияли.