Бер бүлектә – ике һөнәр

Надежда Чернова Нурлат аграр техникумының Чирмешән филиалына күрше Сәләй авылыннан килеп укый. Усадьба хуҗабикәсе бүлегендә укучы кыз пешекче, хисапчы-учетчица белгечлекләре алып чыгачак.

-Надежда бик яхшы оештыручы, фәннәрне тиз үзләштерә, группадашларына да булыша. Мастерларга да ярдәме зур, - диләр аның турында укытучылары.

Эшче һөнәренә сорау бар. Бу белгечлекләр буенча эш табу да кыен булмас. Н.Чернова үзе сайлаган һөнәр буенча белем эстәп, кулына диплом алырга һәм белгечлеге буенча эшләргә хыяллана.

Кадрия Гамирова фотосы.