Безнең Чирмешән
  • Рус Тат
  • Яңа Элмәледән Митюковлар узган айда 47 мең сумлык сөт сатканнар

    Яңа Элмәледә яшәүче Митюковлар шәхси хуҗалыкларыннан иң күп сөт сатучылар икән. Бу авылдан.

    -Алты сыер тотабыз, - ди Андрей Анатольевич. – Бүген тулаем 70 килограмм сөт алып киттеләр, кызу көннәргә кадәр 100 килограмм да тапшырдык.

    Июнь аенда гына да әлеге хуҗалык сөт сатудан 47 мең сум керем алган. Шуңа алдагы кышка җитәрлек, язга тоташырлык печән сатып алганнар. Запаслары 130 төргәк үк. Үләннәрне үз бакчаларында да үстерәләр.

    Реклама

    -Сыерларны аппарат белән савабыз, - ди Андрей Митюков. – Малларыбызны инде икенче ел электркөтүче саклый.

    ...Сөт җыючы машина кабат аларның йорт каршына килеп туктады. Эшкә ашыксалар да, янгын сүндерүче Андрей һәм укытучы Ирина Митюковлар тәүлеклек продукцияләрен озатышып җибәрделәр. Нәрсә булмас, көн иртәдән кызу бит, кояшта торса, тамчылап савылган сөт бик тиз ачырга да мөмкин.

    фото: автор

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Комментарии (0)
    Осталось символов: