Уяу булыйк

Бу атнада Түбән Кармалка һәм Бәркәтә авылларында язгы су ташуларга әзерлекне тикшерү максатыннан өйрәнүләр үткәрелде.

-Быел кар күп булмаса да, уяулыкны югалтырга ярамый, - ди район гражданнар оборонасы һәм гадәттән тыш хәлләр өлкә-сендә вәкаләтләрне тор-мышка ашыру бүлегенең баш белгече Мирзагали Мирзаянов. - Март аенда һава температурасы түбән торды, ә менә апрель башында кинәт җылытырга мөмкин. Кар тизрәк эри башлап, елгаларда су күләме берничә сәгатьтә кискен күтәрелә ала. Безнең районда Бәркәтә, Түбән Чегодай, Кече Чегодай, Түбән Кармалка, Чирмешән авылларында Шушма һәм Зур Чирмешән елгаларының яр буйларында урнашкан йортларга язгы су басу куркынычы яный.