Безнең Чирмешән
  • Рус Тат
  • Урманасты Үтәмеш артистлары тамашачыларны табынга да дәштеләр

    Күптән түгел безнең Урманасты Үтәмеш авылында ТАССРның 100 еллыгына багышланган “Халык моңнарын – халыкка!” дип аталган концерт-тамаша узды.

    Авыл үзешчәннәре, балалар, читтән кайткан якташлар көче белән оештырылган әлеге концерт тамашачы өчен чын мәгънәсендә зур бәйрәмгә әверелде. Бер-берсенә үрелеп барган җыр, бию – һәммәсе дә үзенчәлекле, матур, эчтәлекле һәм бик оешкан, күп хезмәт куелганы күренеп торды. Мөнәҗәтләр, бәетләр укучылар чыгышы аеруча күңелләргә үтеп керде.

    Концертка килгән тамашачы да рәхәтләнеп күңел ачты: җырчыларга кушылып җырлады, көлде, артистларны чын күңелдән алкышлады.

    Реклама

    Ахырдан тамашачыларны табын артына чакырып, тәм-томнар белән дә сыйладылар.

    Шушы концертка көчләрен куйган балаларга, үзешчәннәргә, мәдәният йорты хезмәткәрләренә: Фиалка Носковага, Гөлфирә Хөсәеновага, Фәридә Имаметдиновага, авыл гармунчысы Рәдиф Хөснуллинга рәхмәт җиткерәбез.

    Фәүзия Миннебаева.

    Урманасты Үтәмеш авылы.

    Автор фотосы.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Комментарии (0)
    Осталось символов: