15 майга каршы төндә Лашман авылындагы ут казасы бер хуҗалыкның өен, каралты-кураларын юк итә. Бәхеткә, янгында кешеләр зыян күрмәгән.
- Янгын бурадан төзелгән йортка һәм каралты-кураларга җитди зыян салды, - диде райондагы янгын күзәтчелеге хезмәте инспекторы Фәнил Гыйззәтуллин. – Казаннан килгән белгечләр фаҗиганең сәбәбен ачыклыйлар.
Ел башыннан районда сигез янгын теркәлгән. Шуларның алтысында ут торак йортларга зыян салган.
Хөрмәтле чирмешәнлеләр!
Янгын куркынычы булган язгы-җәйге чорда куркынычсызлык кагыйдәләрен үтәгез!
Ут чыгуның беренче билгеләре булганда, кичекмәстән янгын-коткару хезмәтенә “101” номеры буенча яки ашыгыч хезмәтләрне чакыруның бердәм номеры “112” буенча хәбәр итәргә кирәк.
"Безнең Чирмешән"нең МАХ мессенджеренда иң мөһим, кызыклы вакыйгаларны күзәтегез.
Нет комментариев