Күтәмәдә суүткәргечләрне яңарталар

Быел Күтәмә авылында 6 километр озынлыгында яңа суүткәргеч сузганнар. Әлеге максатларга 10 миллион 258 мең сум акча тотылган.

-Проект ясау һәм документлар әзерләү өчен үзсалым акчасын халыктан җыйдык. Аброськина, Көньяк, Ивановская, Совет, Мәктәп, Бакалей (соңгысында өлешчә) урамнарында яңа су торбалары салынды, - ди Күтәмә авыл җирлеге башлыгы Антонина Аброськина.- 14 гидрант урнаштырылды. Киләсе елда авылда бу эшне дәвам итәргә ниятлибез. Тагын 5 километр арада суүткәргечне яңартасы бар. Шулай ук скважина бораулап, яңа, зуррак башня урнаштыруны планлыйбыз.

Кадыйр Гомәров фотосы