Күп йөргән – күп күргән

Узган атнада башкалабыз Казанда үткән Бөтенроссия татар авыллары эшкуарлары җыенында безнең район вәкиле - эшмәкәр Булат Латыйпов та катнашты.

Татарстан Республикасы Президенты Рөстәм Миңнеханов та чыгыш ясаган әлеге чарада барлыгы 400 делегат катнашкан, аларның алтмышлабы гына Татарстаннан, калганнары чит төбәкләрдән һәм илләрдән.

-Җыен кысаларында Чувашия Республикасына оештырылган эшлекле сәфәр бигрәк тә ошады, - ди Булат Латыйпов. - Биредә без тимер кою, хәләл ит ризыклары, профнастил җитештерү цехларында булдык. Батыр, Комсомол районнарында яшәүче татарларның тормыш - көнкүрешенә, эшлеклелек сыйфатларына, дини һәм милли гореф - гадәтләргә тугрылык саклауларына сокланып кайттык.