Изге эшкә һәркем өлеш кертә

"Мәктәпкә җыенырга ярдәм ит!" акциясе кысаларында районыбызда 200дән артык балага 500 мең сумлык ярдәм күрсәтелгән.

Муниципаль район башкарма комитеты җитәкчесенең социаль мәсьәләләр буенча урынбасары Светлана Әхтәмова сүзләренә караганда, акциядә быел да күп кеше катнашкан, җитәкчеләр, эшкуарлар, нефтьчеләр, эшчеләр - барысы да бу изге эшкә өлеш керткәннәр. "Күтәмә - АГРО фирмасы", "Кади", "Сөлчә" җәмгыятьләре, Пенсия фондының район идарәсе, район үзәк больницасы, Чирмешән АТПсы коллективлары, "ШЭ Латыйпов" ел саен әлеге чарада актив катнашалар. "Мәктәпкә җыенырга ярдәм ит!" акциясе ярдәмендә 118 бала - мәктәп кирәк-яраклары тутырылган ранецлар, ә 100дән артык укучы кием-салым белән тәэмин ителгән. "Бу әле тулы мәгълүматлар түгел, авыр хәлдә калган гаиләләрдә тәрбияләнүче балаларга мәктәпкә җыенырга турыдан-туры ярдәм күрсәтүчеләр дә булды",- ди Светлана Әхтәмова.