Иң матур өйчек кемнеке?

Районкүләм киңәшмәләрнең берсе район Сабан туе мәйданы янында өйчекләр, палаткалар бастырган коллективларны бүләкләүдән башланды.

"Күтәмә АГРО - фирмасы" җәмгыяте бу эштә - беренче, "Чирмешән" полиция бүлеге - икенче, "Чирмешән АГРО" ("Чирмешәнагрохимсервис"ның ярдәмче хуҗалыгы) - өченче урыннарда. Аларның өйчекләре оригиналь, кабатланмас, матур бизәлеше белән аерылып торды. Ульяновка, Лашман, Яңа Элмәле, Бәркәтә, Түбән Кәминкә (Кара Чишмә) авыл җирлекләре, 106нчы һөнәри училище, "Татавтодор"ның район участогы да өйчекләр ясауга җаваплы карадылар, мөмкинлек табып, аш - су әзерләп, кунакларны, авылдашларын, үз эшчеләрен дә сыйладылар. Билгеле, быелгы бәйрәмдәге бу яңалык күпләргә ошады.