Чирмешән районы мәктәпләре 74 тоннага якын макулатура, 7 тонна пластик
Икенче чимал әрәм булмый Район мәктәпләрендә узган 5 айда бер укучыга бүлгәндә уртача – 33,7 килограмм, тулаем 73 тонна 805 килограмм макулатура җыелган. Икенче чималның 60 тоннадан күбрәге хәзерләүчеләргә тапшырганнар. Акчага күчерсәң, ул 270 мең сумга якын була.
Макулатура җыюда Туймәт укучылары нык тырышкан, аны 3 тоннадан күбрәк туплаганнар, 38 укучыга уртача 83 килограмм 4ук туры килә. Шулай ук кадетлар, Лагерка, Югары Кәминкә, Күтәмә, Шешминка, Түбән Кәминкә, Бәркәтә мәктәпләре дә алда. Ә менә Ульяновка, Югары Кармалка, Лашман, 2нче Чирмешән мәктәпләре нык калыша.
Пластик тулаем 7 тоннада 70 килограмм (бер укучыга уртача 3,2 килограмм) җыелган. Бу эштә Лагерка, Түбән Кәминкә, Түбән Кармалка, Туймәт мәктәпләре аеруча яхшы эшли. Пресслап куелган пластикның 6 тоннага якынын алып киткәннәр. Аңа 39 мең сумга якын акча көтәләр.
Фото архивтан
Следите за самым важным и интересным в Telegram-каналеТатмедиа
Нет комментариев