Безнең Чирмешән
  • Рус Тат
  • Дәрәҗәң арта гына

    Чирмешәндә яшәүче Александр Бочкарев үзенең ана теле - рус теленнән кала тагын өч тел (татар, чуваш, мордва) белә. - Миңа бу телләрне өйрәнергә кушучы булмады, аларны шул милләт кешеләре белән аралашып кына өйрәндем. Бик җиңел үзләштердем. Малай чакта өйрәнүем тормыш юлында ярап куйды, кырык ел татарлар белән эшләдем,- ди Александр...

    Чирмешәндә яшәүче Александр Бочкарев үзенең ана теле - рус теленнән кала тагын өч тел (татар, чуваш, мордва) белә.


    - Миңа бу телләрне өйрәнергә кушучы булмады, аларны шул милләт кешеләре белән аралашып кына өйрәндем.

    Бик җиңел үзләштердем. Малай чакта өйрәнүем тормыш юлында ярап куйды, кырык ел татарлар белән эшләдем,- ди Александр Иванович.

    А. Бочкарев Светлогорск урман пункты начальнигы да була. Кул астында төрле милләт кешеләре хезмәт куя, күбесе - татарлар.

    - Мин татарлар янында -татарча, чувашлар белән чувашча сөйләшәм, дөрес, хәзер мордвача онытыла башлады, чөнки аралашу аз.

    Алар русча сөйләп азапланмыйлар да, мине үз милләттәшләре дип кабул итә иделәр. Райондагы бөтен милләт халкын, диннәрен, гореф-гадәтләрен, милли бәйрәмнәрен дә хөрмәт итәм, - ди күп тел белүче якташыбыз.

    Александр Иванович татарча укый да ала, тик кайбер сүзләрне аңлап җиткермим, ди. Ә телевизордан татарча концерт тыңларга, тапшырулар карарга ярата.

    Бочкаревларның балалары мәктәптә татар телендә укымасалар да, татарча яхшы беләләр.

    - Күп телләр белү бер вакытта да артык булмый ул, бары кешене бизи генә, ана телеңә дә хилафлык китерми,- ди А. Бочкарев.

    Кадрия ГАМИРОВА.

    Нравится
    Поделиться:
    Комментарии (0)
    Осталось символов: