Владимир Путин инвалидларны кайгырта

2025 елга Россиядә эшкә урнаштырылган инвалидлар өлеше ике тапкыр артырга тиеш. Россия Президенты Владимир Путин «Сильные идеи для нового времени» форумында шул хакта сөйләде, "Кызыл таң"  хәбәр итә.

Дәүләт башлыгы сөйләвенчә, бүгенгә сәламәтлек мөмкинлекләре чикле кешеләрнең 25 процентка якыны эшли.

«Инвалидлар арасында мәшгуль кешеләр санын ике тапкыр арттырырга һәм 51 процентка җиткерергә планлаштырабыз», — дип билгеләп үтте Путин.

Россия Премьер-министры Михаил Мишустин октябрьдә инвалидларның мәшгульлек дәрәҗәсен арттыруга юнәлтелгән 2021-24 елларга чаралар планын раслаган карарны имзалаган иде.