Күбрәк алачаклар

Агымдагы елның 1 январенә картлык буенча хезмәт пенсиясенең уртача күләме безнең районда 7916 сум 88 тиен булган булса, 1 февральдән ул 8439 сум 39 тиенгә җитәчәк.

Районда бу төр пенсияне 5567 кеше ала.

- 1 февральгә кадәр пенсияләрне түләүгә ай саен 55 миллион 500 мең сум тотылган булса, 6,6 процентка артканнан соң, моңа 2 миллион 900 мең сумга күбрәк кирәгәчәк, - ди РФ Пенсия фондының район идарәсе начальнигы Гөлфия Гыймранова.