Чирмешән районында яңгыр яумаган көн сирәк

Үсемлекләрнең вегетация чоры дәвамында районда 162 миллиметр явым-төшем булган (соңгы елларда май (36), июнь (63) күрсәткечләре уртача 100 миллиметр тирәсе).

Бу күрсәткеч буенча республикада Бөгелмә (222 мм), Алабуга (165) районнарыннан гына калышабыз. Июнь аенда, әлегә, 99,8 миллиметр явым-төшем теркәлгән (Бөгелмәдә -117, Лениногорскида - 76, Нурлатта - 52, Яңа Чишмәдә - 66, Аксубайда - 70, Кукмарада - 17, Әтнәдә - 10...).

Кызганыч, артык еш яңгырлар кыр эшләренә комачаулый башлады. Яшелчә, җиләк-җимеш тә җылыга тилмерә. Ходай язса, рәтләнер әле көннәр, яңгыр яумаган елларда күпкә кыенрак иде.