Әмирнең элеккеге фельдшерына такта китерделәр

-Моңа кадәр бернәрсә дә отканым юк иде, - ди Әмирдә 45 ел буе фельдшер-акушерлык пунктында эшләгән Саҗәрә Рәҗәп кыз. – Отыш белән котлап әллә кайлардан шалтыраттылар.

“Безнең Чирмешән” газетасына язылучылар арасында уйнатылган призларның иң кыйммәтлесен откан Саҗәрә Мөхәммәтшинага 1 кубометр нарат такталарын Чирмешән урманчылыгы, рәхмәт яусын, өенә кадәр китереп китте. Бу көннәрдә 70 яшьлеген билгеләп үтүче якташыбызга ул, үзенә күрә, бер истәлек бүләге.

-Мин Елховойда тудым, инде 50 елга якын Әмирдә яшим. Ел да район газетасына язылам, - ди юбиляр. – Бүләк такталарга урын табылыр, малайларым агач эшенә осталар.

Кадыйр Гомәров фотосы