Изгеләндерелгән су – шифалы

19 январь көнне православие динен тотучылар Крещение (манчу) бәйрәмен билгеләп үттеләр.

18нән 19 январьгә каршы төндә, бәйрәм гыйбадәтеннән соң, чирмешәнлеләр элеккеге май-сыр заводы янындагы чишмә тирәсенә җыелдылар. Изгеләндергәннән соң, якташларыбыз чишмәдән су да алдылар. Бу көнне изгеләндергән су шифалы көчкә ия һәм ел дәвамында бозылмый, диләр.

Ә менә коенучылар булмаган, чөнки бу эшне оештыручылар табылмаган.

Ульяновкада исә бәке дә ясаганнар, шунда коенганнар да. Бу эшне бертуган Прокофьевлар оештырган.