Безнең Чирмешән

Чирмешән районы

18+
Рус Тат
2024 - Гаилә елы
Бакчачы почмагы

Июль ахырында татлы борыч һәм помидор уңышын ничек арттырырга?

Борыч үсентеләрен йод эремәсе белән “сыйларга” мөмкин. Болай эшләгәндә, куактагы борычлар эреләнәчәк, ишәячәк (15 процентка). Йод куакның үсешенә дә уңай йогынты ясый.

Моның өчен 10 литр суга 3 тамчы йод тамызып, болгатырга һәм һәрбер куак төбенә берәр литр чамасы эремә сибеп чыгарга кирәк.

Авырулардан саклау өчен, эремәне үсемлеккә бөркергә дә мөмкин. Бу очракта эремәне 1 литр суга 2 тамчы йод исәбеннән ясыйлар. Үсентеләрне 10-15 көнгә бер тапкыр шул рәвешле эшкәртү әйбәт.
Йод помидорны да фитофторадан һәм ончыл чык гөмбәчекләреннән саклауда ярдәмгә килә. Моның өчен 10 литрлы 1 чиләк суга 1 литр эремчек суы, 40 тамчы 5 процентлы йод төнәтмәсе һәм 1 аш кашыгы водород перекисе салып, эремә ясарга кирәк. Яхшылап болгатканнан соң, эремәне куакка бөркергә.

Помидор үсентеләрен фитофторадан коткару өчен көл, йод һәм бор кислотасы төнәтмәсен дә кулланырга мөмкин. Моның өчен 8 литр кайнар суга ике куш уч көл (иләп) салып, болгатырга һәм суытырга кирәк. Шуннан соң 1 шешә йод, 10 грамм бор кислотасы өстәп, болгатырга. Эремәне 12 сәгать тотарга. Ләкин үзен генә кулланырга ярамый. Үсемлекләргә сибәр алдыннан, 1 чиләк суга 1 литр төнәтмә исәбеннән катнашма ясарга.

Куакларны фитофторадан дәвалаганда, авыру яфраклары һәм помидорларыннан арындырырга кирәк. Эремәне фәкать “чиста” үсентеләргә генә бөркергә.

чыганак

фото: https://pixabay.com/ru

Следите за самым важным и интересным в Telegram-каналеТатмедиа

"Безнең Чирмешән"нең Яндекс Дзен һәм Телеграм каналында иң мөһим, кызыклы вакыйгаларны күзәтегез.


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

2
X