Быелның гыйнвар аенда район автоинспекторлары салмыш хәлдә автотранспорт белән идарә иткән өч машина йөртүчене ачыклаган.
-Гомумән, бу айда юлда йөрү кагыйдәләрен бозучыларга карата 166 административ беркетмә төзелде. Шуларның сигезесе – каршы як полосага чыгу, 38е иминлек каешларын такмау белән бәйле. Участок уполномоченныйлары юлларда кагыйдә бозуларның 15 очрагын ачыклады, - ди район автоинспекциясе бүлеге җитәкчесе Радик Сәйфетдинов.
2026 елның беренче аенда район территориясендә 14 юл-транспорт һәлакәте теркәлгән, аларның берсендә имгәнүче бар. Бәхеткә, һәлак булучылар юк.
Нет комментариев