Чирмешән автоинспекторлары “Тоннель”дә тикшергән 15 автомашинаның 4 йөртүчесе кагыйдә бозган

Район автоинспекциясе бүлеге хезмәткәрләре ике сәгать эчендә 15 автомашина туктатып тикшергәннәр. Операция барышында юлда йөрү кагыйдәләрен бозуның дүрт очрагы ачыкланган: куркынычсызлык каешын такмаучылар – бер, машина йөртү таныклыгыннан башка транспорт чарасы белән идарә итүче – бер, шулай ук автогражданлык җаваплылыгын мәҗбүри иминиятләштерү полисыннан башка һәм машина белән идарә итү таныклыгы булмаган кешегә транспорт чарасын тапшыруның берәр очрагы теркәлгән.