Спорт
Түбән Кәминкәнең волейбол командасы Баулыдан кыйммәтле бүләк алып кайтты
Мөселман яшьләре арасында Баулыда узган районара волейбол ярышында Түбән Кәминкә авылы командасы җиңү яулап, кубок һәм бүләк алып кайтты.
Әлеге бәйгедә республикабызның көньяк-көнчыгыш төбәге вәкилләре: Баулы, Лениногорск, Бөгелмә, Урыссу бистәсе һәм безнең районның Түбән Кәминкә мәхәлләсе командалары көч сынашкан.
-Анда сигезәү катнаштык. Командабызда авыл яшьләре, эшчеләр, эшмәкәрләр, укытучылар, укучылар да бар. Мәктәп спорт залындагы даими шөгыльләнүләр файдалы булды: ярышта җиңүгә ирештек, термопот белән бүләкләндек, - ди команданың капитаны Рафис Әгъзамов.
Рафис Әгъзамов фотолары
Следите за самым важным и интересным в Telegram-каналеТатмедиа
Нет комментариев