“Безнең Чирмешән” газетасы редакциясе фотоконкурс игълан итә

Дуслар, кышның иң рәхәт һәм тылсымлы вакыты – Яңа ел каникулы җитте.

Мандарин исе яки өйдә пешерелгән тәмле ризыклар, карлы иртәдә урам әйләнү, кичкә кадәр балалар белән уйнау яки юрган ябынып җылыда китап уку – болар барысы да кызык, барысы да уникаль тарих.

Шушы рәхәт мизгелләрегезне башкалар белән дә уртаклашыгыз. Фотобәйге игълан итәбез, дуслар #КаникулысНашЧеремшан.

Ничек катнашырга?

1. Яңа ел ялыгызны фотога төшерегез: бизәлгән йорт, гаилә белән кичке аш, урамдагы кышкы пейзаж, дуслар, туганнар белән кызыклы моментлар яки сезнең идеаль “ялкау көнегез”.

2. Фотоны “ВКонтакте” социаль челтәрендә (https://vk.com/wall-103460658_79316) пост астына комментарий рәвешендә куегыз.

3. #КаникулысНашЧеремшан хештегы өстәгез.

Җиңүче нинди бүләк алачак?

Иң иҗади һәм кызык фото өчен редакциядән бүләк бирелә.

Конкурс срогы 1нән 13 гыйнарга кадәр – сезнең эшләр кабул ителә.

14 гыйнварда җиңүчене атыйбыз.

Каникулыгыз рәхәт, истә калырлык  үтсен. Сезнең фотоларыгызны көтәбез!

# КаникулысНашЧеремшан #Наш Черемшан #Татмедиа