Утыз Имәннән Рашат Зыяков йорт куяннары үрчетү серләре турында сөйләде

Әлеге йорт хайваннарын тоту бар кешенең дә кулыннан килми, алар аерым тәрбия һәм игътибар сорый. Читлекләрен гел чистартып торырга, вакытында ашатырга кирәк . Куяннарга люцерна, печән, кишер, кәбестә, чөгендер, бәрәңге, катнаш азык бирәбез.

-Без кечкенә чакта ук әти-әниләр куян асрый иде. Әти урманчы булып эшләде. Аларны үстерергә, карарга безне дә өйрәттеләр, - ди Рашат.

Куян ите диетик ризык  санала, файдалы, якташыбыз аны туганнарына, дусларына да бирә икән.

Зыяковлар, нигездә, уртача зурлыктагы токымлы куяннар асрыйлар, аклары да, кара төстәгеләре дә күренде. Алар өч-дүрт айда суярлык булып үсеп җитәләр, гадәттә 7 - 9 бала табалар икән. Эрерәк токымлылары да бар, алар озаграк өлгерә, 5 - 6 бала тудыралар, ди хуҗа.

Марат  Гомәров фотолары