Чирмешән районнында балалар бакчасы мөдире эшләмәгән ире өчен акча алып торган

Үз вазифаи вәкаләтләреннән файдаланып, яшь хатын-кыз район бюджеты хисабына гаилә бюджетын тулыландырырга уйлаган. Узган елның май ае ахырында ул ирен балалар бакчасына сакчы итеп эшкә алу хакында ялган приказ чыгара. Әлбәттә, ир-ат әлеге вазифаларны үтәми, әмма ярты ел дәвамында эш хакы билгеләнеп бара, ә мөдир акчаны үз кесәсенә сала. Тик, кем әйтмешли, без капчыкта ятмый...

Әлеге җинаять эшен караганда, суд җәзаны йомшартырдай шартлар булуын исәпкә ала: хөкем ителүченең гаебен тануы һәм үкенүе, матди зыянны каплавы һәм башкалар. Югыйсә җәза тагын да кырысрак булырга мөмкин иде.

Архив фотосы.

"Безнең Чирмешән"нең Яндекс Дзен , Телеграм каналында һәм МАХ мессенджеренда иң мөһим, кызыклы вакыйгаларны күзәтегез.