30 декабрьгә һава торышы
Бүген, 30 декабрьдә, Татарстанда тотрыксыз, дымлы һәм шактый салкын һава торышы көтелә.
Республикада аязучан болытлы һава торышы була. Төнлә урыны белән ява башлаган кар көндез бөтен төбәк буйлап яварга тотыначак.
Кайбер урыннарда көндез җиңелчә буран көтелә. Иртән кайбер районнарда төнлә төшкән томан саклана.
Секундына 5-10 метр тизлек белән көньяк-көнчыгыштан исүче җил көндез урыны белән (Казаннан тыш) секундына 13 метрга кадәр көчәячәк. Юлларда бозлавык булачак.
Салкын (-19 градуска кадәр) төннән соң тәүлекнең якты вакытында Татарстанда һава -7, -12 градуска кадәр (ТР башкаласында – -7, -9 градуска кадәр) җылыначак.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев