Татарстанда 22 гыйнварда аязучан болытлы һава торышы көтелә. Иртәнге сәгатьләрдә бераз кар явачак, көндез явым-төшем көтелми, дип хәбәр итә ТР Гидрометеорология һәм әйләнә-тирә мохитне күзәтү идарәсе.
Көнчыгыш һәм төньяк-көнчыгыштан секундына 5-10 метр тизлектә җил исәчәк. Иртән температура -14..-19 градус тәшкил итә, аязганда -23 градуска кадәр суытырга мөмкин.
Көндез термометрның терекөмеш баганасы -10..-15 градусны күрсәтәчәк, республиканың төньяк һәм көнчыгыш районнарында -20 градуска кадәр суыта.
Юлларда бозлавык саклана.
Нет комментариев