Чирмешән районында бөртеклеләр гектарыннан 31,5 центнер уңыш бирә

Район авыл хуҗалыгы һәм азык-төлек идарәсеннән 30 июльгә алынган мәгълүматлар буенча, район хуҗалыкларында 2433 гектар мәйданнан бөртеклеләр җыеп алынган (тиешленең 7,1 проценты). Гектар көче әлегә уртача 31,5 центнер.

“БИО-АГРО” һәм “ЧИРМЕШӘНАГРО” җәмгыятьләре уракта алдынгылар. Әлеге хуҗалыклардагы иген басуларының 17 процент өлешеннән комбайннар узган.

“Тепсуркаев В.Ә.” крестьян-фермер хуҗалыгында да урып-җыю эшләренә керештеләр.