Чирмешән юлларында “Иминлек каешы” чарасы үтә
Район автоинспекторлары 17 - 23 апрель көннәрендә машина йөртүчеләрнең иминлек каешларын тагып йөрү кагыйдәләрен үтәвенә игътибарны арттырды.
Әлеге уңайдан район юлларында махсус рейдлар оештырыла.
- Статистика күрсәткәнчә, иминлек каешын тагу юл һәлакәте очрагында машина йөртүченең һәм алгы утыргычта утырган пассажирның һәлак булу яки имгәнү алу ихтималын – 50, ә арткы утыргычтагыларныкын 25 процентка киметә. Ә машина әйләнеп капланган очракта ул исән калу шансын биш тапкырга арттыра. Шуның өчен машина йөртүче якташларыбыз әлеге мәсьәләгә игътибарлы булсыннар, салонда балаларны утыртып йөрү кагыйдәләрен дә онытмасыннар иде, - ди автоинспекциянең райондагы бүлеге начальнигы вазифаларын вакытлыча башкаручы Радик Сәйфетдинов.
фото Марата Гумерова
Следите за самым важным и интересным в Telegram-каналеТатмедиа
Нет комментариев