Чирмешән ярминкәсендә килосын 12 сумнан бәрәңге саттылар

автор, 25 апрель 2016 - 05:31

1319

Чирмешәндә узган атна ярминкәсендә бәрәңге сатучылар күп иде. Бер килосын 12-15 сумга тәкъдим иттеләр. -Орлыкка дип, без дә бәрәңге алдык,- ди Лашманнан Әсхәт Харисов. - Ярминкәгә еш киләбез, нәрсә дә булса алабыз. Бу юлы да дуңгыз балалары (берсен 2500-3000 сумга), бозаулар (бер айлыгын 12 меңгә, зурраклары, билгеле, кыйммәтрәк), бер тәүлеклек...

Чирмешәндә узган атна ярминкәсендә бәрәңге сатучылар күп иде. Бер килосын 12-15 сумга тәкъдим иттеләр.

-Орлыкка дип, без дә бәрәңге алдык,- ди Лашманнан Әсхәт Харисов. - Ярминкәгә еш киләбез, нәрсә дә булса алабыз.

Бу юлы да дуңгыз балалары (берсен 2500-3000 сумга), бозаулар (бер айлыгын 12 меңгә, зурраклары, билгеле, кыйммәтрәк), бер тәүлеклек доминант токымлы чебешләр (50 сум), суган, чөгендер орлыгы, җиләк-җимеш, өс, аяк киемнәре, ит, балык, сөт ризыклары, бал, чәчәк, агач үсентеләре, мунча миннеге, сәнәк, көрәк саплары, тагын әллә нәрсәләр сатылды.