Чирмешән малайлары – беренче, кызлар – дүртенче

Районның малайлар волейбол командасы, укучыларның унынчы Спартакиадасында беренче урынны яулап, финалга үтте.

Февраль ахырында алар кабат ярышларга китәчәк. Ә кызлар командасы дүртенче булган. Минзәләдә узган бу ярышта район данын 1нче Чирмешән урта мәктәбеннән Максим Овсянников, Артем Магданов (тренер Марина Овсянникова), лицейдан Илүс Мисбахов, Алмаз Әмирханов, Наил Зыятдинов (тренер Флүзә Мисбахова), Күтәмә мәктәбеннән Андрей Кашаевлар (тренер Николай Емельянов) яклады. Команданың капитаны Максим Овсянников "Иң яхшы уенчы" исеменә лаек булган.