Бәйрәм уңаеннан узышлар

Бөек Җиңүнең 68 еллыгы уңаеннан Чирмешән кадет интернат-мәктәбе укучылары арасында җиңел атлетика узышлары үткәрелде.

Патриотик тәрбия һәм җиңел атлетиканы популярлаштыру максатында оештырылган ярышлар Чирмешәннең 275 еллыгы стеласы яныннан старт алды. Финиш Мәңгелек ут янында булды. Кадетлар өч яшь категориясендә көч сынашты. Өлкән төркемдә Эдуард Миронов һәм Анна Павловалар - беренче. Урта төркемдә Николай Тимофеев һәм Снежанна Мухина, кечкенәләр арасында Анатолий Павлов һәм Люба Хмелевалар иң җитезләр дип танылды.