“Бердәм Россия” сәяси партиясенең җирле бүлекчәсе башкарма сәркәтибе Ленар Вәлиуллин Чирмешәндәге волонтерларга медицина битлекләре тапшырды.
- Әлеге битлекләрне Казаннан “Бердәм Россия”нең Татарстан төбәк бүлекчәсеннән җибәрделәр, - ди Ленар Айрат улы. – Алар бүген волонтерларга бик кирәк.
Район үзәгендәге волонтерлар отрядында 30 га якын кеше исәпләнә. Аларның бер өлеше ялгыз яшәүче өлкәннәргә ярдәм күрсәтә, башкалары район үзәге урамнары буенча рейдка чыга.
- Без көн саен Чирмешәндәге урамнарны әйләнеп чыгабыз, шуңа да битлекләр күп кирәк, - ди волонтер Ландыш Минханова. - Якташларыбыз арасында изоляцияләнү режимын бозучылар да бар. Андыйлар белән әңгәмә үткәрәбез, кисәтәбез.
Фото: автор.
"Безнең Чирмешән"нең МАХ мессенджеренда иң мөһим, кызыклы вакыйгаларны күзәтегез.
Нет комментариев