Район үзәгенең Совет урамындагы 3 нче йорттагы бер фатирда янгын чыгып, ут аш бүлмәсенә зыян салган. Бәхеткә, аның хуҗасы янгынны вакытындарак күреп ала, юкса, әлеге казаның ахыры тагын да аянычрак булыр иде.
-Элеккеге май-сыр заводы янәшәсендәге йортта яшәүче фатир хуҗасы ут хакында янгын сүндерүчеләргә төш вакытында үзе шалтыратып хәбәр итә. Янгын торактагы кухня гарнитурына, аш бүлмәсенә өлешчә зыян салган, - ди райондагы янгын күзәтчелеге хезмәте өлкән дознавателе Надежда Костина. – Ут электр җиһазларын файдаланганда янгын куркынычсызлыгы кагыйдәләрен үтәмәү аркасында чыккан, ягъни бер розеткага – озынайткыч кабельгә тоташтырылган электр җиһазлары үткәргечләргә көчкә килгән, үткәргеч эреп, ут чыккан.
"Безнең Чирмешән"нең МАХ мессенджеренда иң мөһим, кызыклы вакыйгаларны күзәтегез.
Нет комментариев