Безнең Чирмешән
  • Рус Тат
  • Чирмешәндә балалар мәйданчыкларын контрольгә алырга кирәк

    Чирмешәндә балалар өчен әллә-ничә уен мәйданчыгы ясап куйдылар. Күл буендагысы аеруча төзек, иркен, уңайлы. Әмма монда куелган җиһазларны ватып-җимерүчеләр дә табылып тора. Әйе, кызганыч, өйдән чыгып киткәч, кайбер "тәти" малайлар һәм кызлар бөтенләй икенче кешегә әйләнә. Күреп, ишетеп торабыз, алар арасында сыра эчүчеләре, тәмәке тартучылары да бар, кайберләре сүгенмичә юньле...

    Чирмешәндә балалар өчен әллә-ничә уен мәйданчыгы ясап куйдылар. Күл буендагысы аеруча төзек, иркен, уңайлы. Әмма монда куелган җиһазларны ватып-җимерүчеләр дә табылып тора.

    Әйе, кызганыч, өйдән чыгып киткәч, кайбер "тәти" малайлар һәм кызлар бөтенләй икенче кешегә әйләнә. Күреп, ишетеп торабыз, алар арасында сыра эчүчеләре, тәмәке тартучылары да бар, кайберләре сүгенмичә юньле сөйләшә дә белми. Олылар зур көч куеп ясалган, төзелгән, бизәлгән корылмаларда утыргычларны ватучылар, тирә-юньне пычратучылар, хәтта күлдә йөзүче аккошларны рәнҗетүчеләр дә - безнең балалар.
    Аларны тәртипкә өйрәтергә кирәк. Хәер, күпчелек кызлар, егетләр әдәпле, тыйнак, кеше хезмәтенә хөрмәтле.
    Җитәкчеләр катнашында дүшәмбе көнне узган планеркада төп сүз менә шул хакта барды.
    -Балаларның мондый гамәлләре хакында авыллардагы халык җыеннарында, педагогик советларда да гел сөйләргә кирәк. Болай ярамый,- диде район җитәкчесе Наил Зарипов.
    Күл буендагы мәйданчыкта, Җиңү паркында оешмалар вәкилләренең дежур торуын оештырырга да тәкъдим ителде. Бу тирәдә чүп савытлары да күбәячәк.
    Кайсыдыр юньсезләре Титов һәйкәле янындагы яктырткычларны да ваткан. Югыйсә ул яктырткычлар да кемнеңдер хезмәте белән эшләнгән, күпмедер акчага алынган.
    Киләчәктә райондагы авылларда, поселокларда да уен мәйданчыклары куелачак. Алар кирәк, аларны ватмасыннар иде.

    Реклама

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Комментарии (0)
    Осталось символов: