Узган якшәмбе иртәсендә Югары Кәминкә авылындагы торак йортта янгын чыккан. Ни аяныч, анда аның хуҗасы, ялгыз яшәүче пенсионер ир-атның гомере өзелә.
Районның янгын күзәтчелеге хезмәтеннән әйтүләренчә, ут казасы хакындагы хәбәр янгын сүндерүчеләргә иртәнге җиделәр тирәсендә ГЛОНАСС-112 системасы аша килеп ирешә.
-Янгын сүндерүчеләр килгәндә, бурадан күтәрелгән һәм тышланган агач йорт ялкын эчендә була. Ут сүндерелгәч, анда йортның хуҗасы - 1957 елгы, 63 яшьлек ир-ат мәете табылган. Әлегә янгынның сәбәпләре ачыклана, - ди янгын күзәтчелеге хезмәтенең өлкән дознавателе Надежда Костина.
.jpeg)
фото: Надежда Костина
"Безнең Чирмешән"нең МАХ мессенджеренда иң мөһим, кызыклы вакыйгаларны күзәтегез.
Нет комментариев