Чирмешән кадетлары СПИДка каршы

15 майдан 21 майга кадәр дәвам иткән "СТОП ВИЧ СПИД" Бөтенроссия акциясенә Чирмешән кадетлар мәктәп-интернаты укучылары да актив кушылды.

Әлеге мәктәпнең барлык классларында да, Халыкара СПИДтан үлгән кешеләрне исә алу көненә багышлап, "Яшьләр СПИДка каршы" темасына класс сәгатьләре уздырылган. Бу афәткә каршы икәнлекләрен белдереп, митиг оештырып укучылар башкаларга да шуны аңлату, сәламәт тормыш рәвеше алып барырга кирәклеген төшендерү максатында Чирмешән урамнары буйлап махсус ясалган плакатлар белән үттеләр, кешеләргә СПИДка каршы көрәш символы булган ал тасмалар һәм белешмәлекләр тараттылар.