Безнең Чирмешән
  • Рус Тат
  • Бәркәтәдәге кафены Роспотребнадзор яптырган

    Бу авылда кафе ачкан шәхси эшмәкәрнең эше судка ук барып җиткән.

    Район судыннан хәбәр итүләренчә, Чумачка авылында яшәүче Зөлфия Мөхәммәтҗанованың Бәркәтә авылындагы кафесында Роспотребнадзорның республика буенча идарә белгече узган елның гыйнвар аенда булып, тикшерү вакытында санитария кагыйдәләрен тупас бозу очрагына юлыккан. Белгеч-эксперт кафены җентекләп карап чыккан һәм бик күп җитешсезлекләр тапкан. Әйтик, кафе бинасы мәйданы санитария кагыйдәләрен һәм нормаларын үтәүне тәэмин итә алмый һәм оешманың куәтенә туры килми, аш һәм кухня савыт-сабасы бер урында юыла, пешерү цехында стеналар күгәрә башлаган, азык-төлекне бер үк өстәлләрдә эшкәртәләр... Болар барысы да  йогышлы авырулар барлыкка килү һәм таралу куркынычы тудыра.

    Реклама

    Якташыбыз административ хокук бозуда гаебен тулысынча таныган һәм кафеның ябылуын әйткән.

    Суд карары нигезендә, Зөлфия Мөхәммәтҗановага административ штраф рәвешендә җәза бирелгән.

    Фото архивтан

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Комментарии (0)
    Осталось символов: