“Сөлчә“ җәмгыятендә күпьеллык үләннәрне чаба башладылар

"Сөлчә" җәмгыятендә күпьеллык үләннәрне чаба башладылар, 847 гектарның 106 гектарында чапкычлар узган инде. Кызганыч, быел азык әзерләүгә һава торышы нык комачаулый.

Үләннәр чабуны озакка сузу да ярамый, чөнки алар өлгергән, туклылыклы матдәләре күп чак. Быел авыл хуҗалыгы предприятиеләрендә 6500 тонна печән, 30 мең тонна сенаж, 180 тонна яфраказык әзерләү планлаштырыла.

"ЧИРМЕШӘНАГРО", "Әккәрәй", "Лениногорск АГРОфирмасы", "Агропродукт" җәмгыятьләрендә сабанашлык культураларын тамырдан тукландыруны, бөртеклеләр участокларында гербицид сиптерүне өлгер башкардылар.

Чиста пар җирләрен эшкәртү дәвам итә. Әлегә тиешленең 54 процент өлешендә, ягъни 3485 гектарда сабан узган.

Районда шикәр чөгендере "ЧИРМЕШӘНАГРО" җәмгыятьләрендә, тулаем 1950 гектарда игелә, аларда инде ике тапкыр химик эшкәртү булган.