Чирмешән районында азык әзерләү темпы түбән

Районның авыл хуҗалыгы предприятиеләрендә азык әзерләү темпын нык көчәйтергә кирәк. Күпчелек әле һаман аяз, кояшлы көннәр көтә, кырда эшләүче техника санаулы гына.

"Сөлчә" җәмгыятендә 173 гектарда күпьеллык үләннәр чабылган, ә район буенча - 484 гектар (тиешленең 8 проценты), аның да зур өлеше малларга көндәлек ашатуга.

Бүген, яңгырлар еш яву сәбәпле, күпьеллык үләннәрне сенажга салсаң да була. Ни дисәң дә, вакыты җиткән, үләннәр өлгергән, аларның туклыклы матдәләре кими бара. Чыбыкка калгач, андый үләннәр яхшы азык түгел инде. Тик башка күпчелек районнарда сенаж салу җайга салынса да, бу эш бездә һаман башланмаган.

Азыклы елны азыксыз калмабызмы?