Чирмешәндә төзелүче бер йорттан цемент урлаганнар
Чирмешәндә яңа төзелә торган бер йорттан барлыгы 3250 сумлык 13 капчык цемент “аякланган”. Хуҗалары угрыларны җаваплылыкка тартуны сорый.
Гомумән, 13-19 июньдә район полиция бүлекчәсендә 32 хәбәр кабул ителгән.
Район юлларында 2 юл-транспорт һәлакәте теркәлгән - матди зыян белән, имгәнүчеләр юк. Юлда йөрү кагыйдәләрен бозуның 68 очрагы ачыкланган, бер машина йөртүчегә транспорт белән аек булмаган хәлдә идарә иткән өчен җавап бирергә туры киләчәк.
Чирмешәндә бер хатын-кызның банк картасыннан 29 мең сумнан күбрәк акчасын урлаганнар.
Район үзәгендә яшәүченең эретеп ябыштыру һәм шомарту машинасы “югалган”, матди зыян күләме 4000 сум.
Бер хатын-кыз белән аралашканнан соң, Иске Элмәле авылы кешесе кесә телефонсыз калган.
Полиция участковыйлары бер атнада 4 административ беркетмә төзегәннәр.
фото: архив
Следите за самым важным и интересным в Telegram-каналеТатмедиа
Нет комментариев