Безнең Чирмешән
  • Рус Тат
  • Чирмешәндә исерек хәлдә кабат автомобиль йөртүче 65 яшьлек ир-атны колониягә озатканнар

    Район суды исерек килеш кабат автомобиль руле артына утырган Иске Кади кешесен ирегеннән мәхрүм иткән.

    -Шундый җинаяте өчен әлеге 65 яшьлек ир-ат элегрәк җинаять җаваплылыгына тартылган иде инде, - ди әлеге эш буенча дәүләт гаепләүчесе, район прокуроры урынбасары Айназ Газизов. -Ул чакта аңа 200 сәгать мәҗбүри эш, 2 елга транспорт средстволарын йөртү хокукыннан мәхрүм итү җәзасы бирелде. Әмма, күргәнебезчә, ул аннан тиешле нәтиҗә ясамаган.

    Реклама

    Агымдагы елның сентябрь азагында, төнлә, әлеге машина йөртүче Кузай-Нурлат-Светлогорск автоюлында юл-патруль хезмәте сотрудниклары тарафыннан туктатылган. Тикшерү барышында ул алкогольле эчемлек куллануын таныган.

    Һәм менә нәтиҗә: суд гаеплене алты айга ирегеннән мәхрүм итүгә хөкем карары чыгара, ул колониягә озатыла, әле тагын 3 ел срокка автомобиль йөртү хокукын да югалта.

    фото: архив

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: