Чирмешән районында административ хокук бозуларны теркәүче камераны ватканнар

Гомумән, 3-9 мартта район полиция бүлегенең кизү частенда 40 хәбәр кабул иткәннәр. Бу вакытта җинаять эшләре кузгатылмаган. Полиция участок уполномоченныйлары 13 административ беркетмә төзегәннәр.

Әлеге вакыт аралыгында район юлларында дүрт юл-транспорт һәлакәте булган, аларда имгәнүчеләр юк. Юлда йөрү кагыйдәләрен бозуның 57 очрагы теркәлгән. Берәү автотранспорт белән исерек хәлдә йөрткәндә тоткарланган.

Ивашкино, Иске Кади, Иске Үтәмеш авылларында ир-атлар (бергә яшәүче ир-ат, авылдаш, ир) хатын-кызларга кул күтәргәннәр. Бу фактлар тикшерелә.

Бер чирмешәнле йортына полиция хезмәткәрләрен чакырткан: аның улы өйдән зур суммада акча алып чыгып киткән.

Әлеге мәгълүматлар Россия ЭЭМның Чирмешән районы буенча бүлеге штабыннан алынды.