25 гыйнварда Студентлар көнендә «Орион» яшьләр үзәгендә «Титаннар көрәше» интеллектуаль бәйгесендә эшче яшьләр вәкилләре, аграр техникум студентлары һәм Чирмешән лицееның 10-11 сыйныф укучылары очрашты.
- Уен бик күңелле, җанлы, кызу темпта үтте. Студентларыбыз һәм укучыларыбыз, гомумән, яшьләребез арасында сәләтле, сәнгатькә оста кешеләр шактый икән. Алар үзләрен киң эрудицияле, талантлы буларак күрсәттеләр, - диде яшьләр үзәге директоры Ирина Суворова.
Бәйге барышында ярышучылар “Минем туган ягым”, “Табигать тавышлары”, “Фотомоментлар”, “Видеомоментлар” кебек номинацияләрдә сорауларга җавап биреп, баллар җыйдылар. Нәтиҗәләр буенча, Чирмешән лицее командасы – җиңүче, аграр техникум студентлары икенче урында, эшче яшьләр – өченче.
Катнашучылар дипломнар һәм бүләкләргә ия булды.
Ирина Суворова фотолары.
"Безнең Чирмешән"нең МАХ мессенджеренда иң мөһим, кызыклы вакыйгаларны күзәтегез.
Нет комментариев