Чирмешән укучылары – беренче

Чирмешән районы Россия мәктәбе укучылары хәрәкәте "Россия мәктәп укучылары хәрәкәте көче" Бөтенроссия акциясендә республикада беренче булдылар. Ә Идел буе федераль округы буенча безнең команда өченче урында.

Бу җиңүдә беренче Чирмешән мәктәбенең Россия мәктәп укучылары хәрәкәтенең өлеше зур. 7 апрельдә старт алган акциядә әлеге мәктәпнең 142 укучысы катнашты, алар турникта төрле хәрәкәтләр ясап барлыгы 5356 балл җыйдылар. Акциянең барышы видео язмаларда, фоторәсемнәрдә, шулай ук нәтиҗәләренең беркетмәсе ТР Мәгариф һәм фән министрлыгына җибәрелде. Министрлык җиңүче командаларның отчетларын РФ Мәгариф һәм фән министрлыгына юллаган.